මහිත හා එහිත

ඒ හඬ දුක්මුසුය

පොතෙහි වෙලෙන්නට එළියක් නොමැතී

මාමයිට් බෝතල් අඩිය

බූමි තෙලෙන් සිඹියි

මටද අද දවස හරි නැත

ෆිට් නැත

කමෙන්ට්ස් බලන්නට

කරන්ට් නොමැතී

ඈ මුහුණතද

ඇඹුලක් දිව ගෑ සේය

වැඩි ගානට ගත්තු උඩ කෑල්ල

අනිත් එකියෙක් ඇඟලාගෙන වගේ එකක්

බයටයි ලියවුනේ. . .!

කරනට දෙයක් නැත සිත මා ඇත සෙල්ලී

මොකක් ලියන්නද උත්තර ඇත ගල්වී

තව පැය විසිපහක් ඉක්මුනු තැන කල්හී

කොලේ තුලින් මාරයා අත වනනු ඇතී

මගුල්, උපන් දින සාදය සතර අත

මැරියන් සමග රාජ්‍යයේ සරණ වැද

මිතුරන් එකතු වී කල කෙළි මතකේ ඇත

හෙට පලදේවි මේ සියලට තබා තිත

පේළි සතරකී මහ ලොකු කාමරයේ

උඩ බිම බලනු තහනම් වෙයි එම තලයේ

පෑනක් කටේ රඳවාගෙන සිටින පැයේ

උත්තර මතක් වේදැයි මට බියක් තියේ

නෝ ප්‍රොබ්ලම්

අතේ දිලෙන

රාහු අපල මුද්ද

බෙල්ලේ ඔතපු

යන්තරේකුත් එක්ක

උදේ පාන්දරත්

දේව ආශිර්වාදේ ලබලා

එළියට බැස්සේ

හිතේ නිදහසෙන්

ඒත්. . .

උඹට පිං

මට ඇත්ත කියලා දීපු

ඩ්‍රයිවර් මහත්තයෝ. . .!