පඩිය

ඕලෙවල් ගොඩ කරගෙන

ඒලෙවල් කෙලකරගෙන

ඉහල අධ්‍යාපනේට අතගහපු මගේ

එකම හීනේ උඹ. . .

පළවෙනි අවුරුද්ද ෂේප් එකට තිබිලත්

දෙවනි අවුරුද්දත් අනිත් අතට තිබිලත්

ප්‍රොජෙක්ට් එක නැති නිසා

පහුබහින හීනේ උඹ. . .

ටකරමට බොරළු ගහන්නා වගේ ඇහුනත්

අමාරුවෙන් කන්දීගෙන ඉන්න

කොහොමහරි සබ්ජෙක්ට් එක ගොඩදාන්න දිරිගන්වපු

ලොකුම අරමුණ උඹ. . .

මොන ගුණ්ඩුව ගහලා හරි

ඩිග්‍රිය ගත්තොත් කියලා හීනෙන් පෙනුනම

හීනියට හිනාවක් ගිහින් ඇහැරිලා

රෑ පුරා මනෝ ගස්සපු සංසිද්ධිය උඹ. . .

කොරොල්ලා එකෙන් ගෙදර යනකොට

ළමයි දෙන්නව වඩාගෙන ඉන්න මැරියන්ට

කිස් එකකුත් එක්ක

අළුත් බ්ලවුස් එකක් දෙන්න

කවදාහරි උදව් කරන්නේ උඹ. . .

මර්වින් නම් ඔහු. . .

ඔහු වත්මන් රජා වෙනුවෙන් හෝ වෙනත් කිසිවෙකුත් වෙනුවෙන් ස්ටේජ් නැග්ගෙකු නොවීය.ඔහුරටට රජෙකු උරුම වී ඇති බවවත් හෝ එම රජාගේ දෑත් ශක්තිමත් කිරීම සම්බන්ධවවත් ගැයුවේ නැත.

කෙසේ වුවද මෙම ළිපිය ආරම්භ කලේ ඔහුගේ දේශපාලනික වශයෙන් ස්වාධීන බව හෝ නිවහල් බාවය පැහැදිලි කිරීමට නොවේ.මෙයට හේතුව වූයේ මා ප්‍රියතම ගීත වැඩි ප්‍රමාණයක් ගායනා කර ඇත්තේ ඔහු නිසාවෙනි.

බොහෝමයක් ඔහුගේ ගීත වල තනුව සහ සංගීතයද ඔහු විසින්ම සපයා තිබීමද පැසසුමට කරුණකි.එසේම ඒවා සිත් ඇදගන්නා සුළු අනර්ඝ තනු වීමද නොරහසකි.

කෙසේ වුවද විනෝද චාරිකාව හෝ සාදයක සමාජ තත්වය කුමක් වුවද,ගැයෙන පළමු ගීත දහය ඇතුලත් මෙතුමාගේ ගීත අඩුම වශයෙන් දෙකක් වත් තිබීම නිරායාසයෙන් සිදුවන්නකි.

කතරක තනිවී,මේ නගරය,නිළුපුල් යුවලේ,රන් මීවිත,දියලුම දියඇලි,ආදරේ රන් බිඟුන්,අකුරු සතරකින් මේ ගීත අතර මෙන්ම ලාංකීය සංගීතයේද ඉතා ඉහලින් ඇත.

මෙතුමාගේ ගුණ වැයීමට පෙර මෙතුමා අභාවප්‍රාප්ත වුවද,සෑම ශ්‍රී ලාංකිකයෙකුම මේ ගීත ගයන ගයන වාරයක් පාසා මෙතුමාට සදා සුවය අත්වීමට පතමි.

එසේම මෙතුමාගේම ගීතයකින් පද පේලියක් මා ආදරය කරන මගේම මැරියන්ට පැවසීමට ඇත.ඒ...

සඳ නොදන්න නමුදු සඳට එළිය හිරුගෙනී

ඔබ නොදන්න නමුදු ඔබට සෙවන මම වෙමි. . .

රෝමය ගිනි අරං

අත්දුටු මිතුරන්,

ඒ මේ අත දිව්වෝය...

දෑත් ඔළුවේ ගසාගෙන හැඬුවෝය. .

රැය පහන් වනතුරු DCSL පිහිට පැතුවෝය. ..

සමහරු කලක් අතුරුදන් වී සිටියහ. . .

සමහරු අරකිට පොල් ගැසුවෝය.. .

අත්විඳි මම වයන්නට වීණාවක් සොයමින් සිටිමි.

පුත්තම්මා.. .

දෙනියාය දුර වැඩි වූයෙන්

පියාගේ මව මොරටුවේ උන් මට..

වැඩිය ලං නොවූවත්. . .

මම අතපයක් හොලවන

සියළු ඇසිල්ලක් පාසා..

මම ඔබේ සෙවනේ. . .

කිරි අම්මා,අත්තම්මා,ආච්චි අම්මා,

ග්‍රැනී,අම්මම්මා වෙනුවට..

මම ම හදාගත්තු නම. . .

පුතාගෙම අම්මා වුනා නුඹ මට

තාමත් එකෙකුවත්..

ඒක පාවිච්චි කරනවා ඇහුනේ නෑ මට. . .

ආඩම්බරයි මම

සිංහලේට වචනයක් අලුත් හොයාගත්තට නෙමෙයි..

වැදුවේ එක අම්මෙක් උනාට

හදන්න දෙන්නෙක් උන්නු එකට. . .

මගේ එකම අදිටන

පළවෙනි පඩියෙන් ෆෝන් ගන්න නෙමෙයි..

අම්මට සාරියකුත් නෙමෙයි

තාත්තට ෂර්ට් එකකුත් නෙමෙයි. . .

නුඹ මේ ලෝකේ ආසාවෙන්ම එකතු වෙන උත්සවේ වෙච්චි

බැඳපු මනුස්සයාගෙයි..එකම පුතාගෙයි..

දාන පිංකම කරන්න. . .

ඉස්සර තරං බදාගෙන මිරික මිරික

ආදරේ කරන්න බැරිවුනත්..

තාමත් මම වලි කන්නේ උඹේ තුරුලේ නිදාගන්න. . .

මගේ මැරියන්

ඉස්සර දැක්කේ රොබින් හුඩ්ගේ ගෑනී වගේ.. .
ඉතින් මම උඹට මැරියන් කිව්වා. .
එදා ඉඳන් මගේ හිතේ වීරයා වෙච්ච රොබින්ට ඊරිසියා කලා. . .
ඉනික්බිති ආවා අළුත් රොබින්.. .
ඒකේ මැරියන් සුදුයි මහතයි..ඊරි වගේ.. .
ඒක හින්දා ආපහු මගේ හිතේ වීරයගේ මුල් පුටුව රොබින් ට. . .

දැන් පේන්නේ උඹ ක්ලියෝපැට්‍රා වගේ. . .
එයත් මරු..ඇයි ඉතින් කිරි වලින්නේ නෑවේ. ..
අනේ රෝමය මගේ උනානං.. .
හැමදාම නිදාගන්න කලින් උඹ මට දෙන. . .
කෝලන්(:) එකයි තරුවයි(*) . .
උඹව හොඳින් නිදි කෙරෙව්වට. . .
රැයක් පුරා මාව කිති කැව්වා . . (එහෙම කියලා නොදී ඉන්න එපා.)

උඹ කියලා කතා කරන්නේ හදට ලංවෙලා වැඩි හින්දා. . .
උඹ මගේ පපුවට තුරුල්වෙලා ඉන්න හැටි හිතේ මවාගෙන. .
මට මම ආසම නැති කැරට් උනත් කන්න පුළුවන්. . ..

මූණු පොතට,යාහු එකට,ස්කයිප් එකට. . .
පිං සිද්ධ වෙන්න මගෙත් එක්ක අළුත් ජීවිතයක් ගොඩනගන්න පටන් ගත්තු උඹට. . .
මම මගේ වැඩිපුරම ආදරය කරන අවයවය වෙච්චි බඩටත් වඩා ආදරෙයි !!!