කරුම ඉන්දියාව

පරක්කු වෙලා එනකොට ඔරවන්න

දොරට තට්ටුවක් දාලා සින්දු වල සද්දේ අඩු කරන්න

ඉඳලා හිටලා වත් පොතකට ඔළුව ඔබ්බවන්න

ඔයා ගෙදර නැතුව හරි පාළුයි තාත්තේ. . .

මහ ලොකුවට ලාබයි කිව්වට

කරුම ඉන්දියාවට වෙලා. . .

හරිම ටික කාලෙකට කිව්වට

මාස එකහමාරක් යනවලු

මහ ලොකු හෝටල් කිව්වට තුච්ඡ නවදිල්ලිය

හරියට කන්නවත් නෑලු. ..

හැමදාමත් රෑට බඩ පිරෙන්න බත් කාපු මනුස්සයා

ඊයේ රෑටත් චට්නියි පානුයි

අපි කොහොමද මෙහේ උයපුවා බෙදාගන්නේ

අම්මත් දුකෙන්. . .

අපිත් දැන් හරියට

මිලේනියම් එක එනකං පෙරුම්පුරපු ලෝකවාසියෝ වගේ. . .

තාත්තා ගෙදර නැති දවස් වල ලියවුනේ.දැන් නං තාත්තා ගෙදර ඇවිල්ලා.