හොරකම

මතක ලක්ෂයේ ඉඳන්

දුරක් ඇවිද ගිහින්

අතගා පස්ස පැත්ත බැලින්

විදලා විදලා

හීනෙක තලු මරනකොට

ඇහිච්ච කම්මල් සද්දෙට

ඇහැරී බැලින්

බිඳලා බිඳලා

වැඩ පොට්ටනි ඉවරවෙලා

ගෙදරට බඩගාන වෙලේ

මයේ මාලේ අරූ අතේ

කඩලා කඩලා

කිරි අම්මට ජයසිරිමා බෝ වඳින්න

මයේ පොඩ්ඩිගේ හිත සැනසෙන චොකලට්ටුව

මුලු මාසෙම බජට් එකත්

ආර්ථිකේ මිටියෙන් කුඩු කරලා

අපිට මොන බෝධිද

උඹ සූප්පු කරහන් ලොසින්ජර පුතේ

විදපු,බිඳපු,කඩපු,ගහපු එකාවත්

බඩවල් පුරවන්නැති නෙව ඌ පැටවුන්ගේ!