පඩිය

ඕලෙවල් ගොඩ කරගෙන

ඒලෙවල් කෙලකරගෙන

ඉහල අධ්‍යාපනේට අතගහපු මගේ

එකම හීනේ උඹ. . .

පළවෙනි අවුරුද්ද ෂේප් එකට තිබිලත්

දෙවනි අවුරුද්දත් අනිත් අතට තිබිලත්

ප්‍රොජෙක්ට් එක නැති නිසා

පහුබහින හීනේ උඹ. . .

ටකරමට බොරළු ගහන්නා වගේ ඇහුනත්

අමාරුවෙන් කන්දීගෙන ඉන්න

කොහොමහරි සබ්ජෙක්ට් එක ගොඩදාන්න දිරිගන්වපු

ලොකුම අරමුණ උඹ. . .

මොන ගුණ්ඩුව ගහලා හරි

ඩිග්‍රිය ගත්තොත් කියලා හීනෙන් පෙනුනම

හීනියට හිනාවක් ගිහින් ඇහැරිලා

රෑ පුරා මනෝ ගස්සපු සංසිද්ධිය උඹ. . .

කොරොල්ලා එකෙන් ගෙදර යනකොට

ළමයි දෙන්නව වඩාගෙන ඉන්න මැරියන්ට

කිස් එකකුත් එක්ක

අළුත් බ්ලවුස් එකක් දෙන්න

කවදාහරි උදව් කරන්නේ උඹ. . .